Hŏng ai tiê anăn, Khua Bruă Kbĭn ala Trần Thanh Mẫn hưn mdah dŭm boh klei hŏng dhar bruă: kơ gru hmô mkŏ mjing leh anăn hdră êlan ngă bruă, bruă bi kƀĭn dŭm anôk bruă swil leh anăn ktuê dlăng mkŏ mjing ai ktang.

Lač kơ dŭm klei čuăn bruă ktuê dlăng srăng klă klơ̆ng hĭn, mâo mta kñăm leh anăn knhal tuč jing boh tŭ dưn, khua Bruă Kbĭn ala mñă kơ dhar bruă bi klă dŭm klei čih ktuê dlăng, hdră bi kna, ñĕ kơ khă bi mâo, hdră êlan mkă boh tŭ dưn ngă dŭm klei bi êdah leh klei ktuê dlăng. Ksiêm dlăng čiăng ruh mgaih klei kpăk, hyuă kjăp hdră bhiăn ngă bruă, răng mgang boh tŭ dưn kơ mnuih ƀuôn sang leh anăn mtrŭt mđĭ klei đĭ kyar bruă duh mkra ala ƀuôn, bruă lĭng kahan- klei êđăp ênang…Khua Bruă Kbĭn ala Trần Thanh Mẫn mñă, mlih mrô srăng jing klei kdlưn hĭn hlăm bruă kwil leh anăn ksiêm dlăng.