Leh hmư̆ dŭm klei blŭ trông čhai, Khua bruă kƀĭn ala Trần Thanh Mẫn lač, 6 mlan akŏ thŭn, bruă Đảng anôk bruă kƀĭn ala lŏ dơ̆ng mâo bruă klam phŭn hlue ngă hdră êlan mơ̆ng Đảng, boh nik dŭm klei bi mklă mơ̆ng Phŭn bruă kđi čar, Êpul khua kiă kriê, mđĭ klei kjăp bruă mkŏ mjing klei bhiăn, ksiêm dlăng mơ̆ng gưl dlông, bi mklă djăp mta bruă mơ̆ng lăn čar.

Bi êdah dŭm klei adôk ka djŏ hlăm klei kiă kriê, klei gĭt gai wưng leh êgao, Khua bruă kƀĭn ala mtă, 6 mlan knhal jih thŭn, dŭm anôk bruă hlăm bruă kƀĭn ala mđĭ hlăm klei hlue ngă jih jang bruă djŏ hŏng hdră êlan mơ̆ng Đảng, boh nik hdră mtrŭn mơ̆ng gưl dlông 3. Hŏng 2 klei bhiăn bi hgŭm ba mdah kơ Êpul Khua kiă kriê, bi ksiêm dlăng, bi leh jih jang bruă hŏng klei kiă kriê jăk, mđĭ boh tŭ hlue ngă hdră êlan, lehanăn mghaih msir bi jih dŭm klei amâo mâo jăk. Ti anôk bi kƀĭn hlŏng bi mklă hdră êlan mă bruă mơ̆ng Êpul khua kiă kriê bruă Đảng hlăm anôk bruă kƀĭn ala wưng păn bruă 2025-2030./.