Hruê 21/5, Khua bruă kƀĭn ala Trần Thanh Mẫn mă bruă hŏng Êpul gơ̆ng bruă djuê ana. Khua bruă kƀĭn ala mñă klă, ti anăp klei čiăng kơ bruă knuă ƀrư̆ hruê ƀrư̆ lu, Êpul gơ̆ng bruă djuê ana brei bi mlih jing hdră ngă bruă mrâo hlue si klei mjêč, kreh knhâo, klă sĭt; djăp bruă klam brei mâo wưng, mnơ̆ng dhơ̆ng klă klơ̆ng leh anăn pô tŭ đua klam klă mngač.

Khua bruă kƀĭn ala mtă kơ Êpul gơ̆ng bruă djuê ana pral păn kjăp boh klei, hmao đru kčĕ hŏng Đảng, knŭk kna kơ dŭm bruă djŏ tuôm krĭng mnuih djuê ƀiă leh anăn krĭng čư̆ čhiăng. Mbĭt anăn, brei bi hgŭm kjăp hŏng dŭm anôk bruă djŏ tuôm ktuê dlăng boh klei duh mkra ala ƀuôn, klei êđăp ênang lĭng kahan, klei êđăp ênang ti krĭng knông lăn, alŭ wăl phŭn; mđĭ klei mkŏ anôk bruă nah gŭ, pral kčĕ kơ hdră msir mkra mđĭ êpul bi hgŭm djuê ana, krơ̆ng kjăp klei êđăp ênang kđi čar - ala ƀuôn.