Tĭng dlăng klei pral mơ̆ng dŭm alŭ wăl hlăm bruă mprăp anôk bruă nah gŭ, adŭ hriăm, êpul nai mtô, hdruôm hră lehanăn hdră đru kơ mnuih hriăm, Khua gĭt gai Đảng, Khua lăn čar lač, thŭn hriăm tianăp jing sa klei lông dlăng tal êlâo hŏng klei thâo pŏk ngă Hdră mtrŭn mrô 71 mơ̆ng Phŭn bruă kđi čar.

Khua kiă kriê Đảng, Knŭk kna mtă kơ dŭm alŭ wăl rơ̆ng mâo djăp adŭ hriăm, nai mtô, hdruôm hră lehanăn kdrăp mnơ̆ng yua mtô bi hriăm, hluê ngă kjăp hdră “Ti anôk mâo hđeh hriăm hră, tinăn mâo nai mtô”, amâo lui hđeh dleh dlan amâo dưi nao sang hră. Mbĭt anăn, anôk bruă mtô bi hriăm brei mtrŭt mđĭ klei bi mlih mơ̆ng hdră kriê dlăng jing kriê dlăng đĭ kyar, pral mjuăt bi hriăm mnuih mâo klei thâo mkăp kơ bruă kreh knhâo, mrâo mrang, mlih mrô lehanăn dŭm bruă phŭn mkăn mơ̆ng ala čar./.