Hlăm mmông drông, Khua gĭt gai Đảng, Khua lăn čar bi mklă Việt Nam bi mni kơ bruă klam leh anăn klei đru mguôp mơ̆ng India hŏng klei êđăp ênang, hơĭt kjăp leh anăn mđĭ kyar mơ̆ng krĭng wăl, dlăng nanao India jing sa hlăm ƀĭng hgŭm yuôm bhăn mrô sa, sa ai hŏng India lŏ dơ̆ng mđĭ bruă klam prŏng hĭn ti krĭng wăl leh anăn dlông rŏng lăn.

Khua gĭt gai Đảng, Khua lăn čar mñă klă Việt Nam leh anăn India mâo klei bi hgŭm knhuah gru, đăo knang kđi čar; bruă dua tĭng tŭ ư mđĭ klei bi hgŭm jing Ƀĭng hgŭm kluôm yuôm bhăn snăk đru mđĭ klei đăo knang kđi čar leh anăn pŏk klei găl bi hgŭm êlam hlăm lu mta bruă; mtă kơ dua tĭng lŏ dơ̆ng mđĭ hĭn klei bi trông êpul gưl dlông leh anăn dŭm gưl, mđĭ klei bi hgŭm mnia blei, bi liê, pŏk mlar klei bi hgŭm kreh knhâo kdrăp mrâo, mđĭ klei mjĕ êrô mnuih ƀuôn sang dua ala čar.