Ksiêm dlăng bruă hŏng tač êngao mơ̆ng leh Klei bi kƀĭn tal XIV mơ̆ng Đảng mâo lu klei tŭ dưn yuôm bhăn, Khua gĭt gai Đảng, Khua lăn čar mtă kơ Anôk bruă gĭt gai mđĭ lar klei gĭt gai phŭn, msir boh tŭ dŭm bruă prŏng, mlir dhar bruă. Anôk bruă mâo Phŭn bruă hŏng tač êngao jao bi leh hdră kčah hlue si klei blŭ “6 klă”: klă mnuih, klă bruă, klă hruê mmông, klă bruă klam, klă mnơ̆ng dhơ̆ng, klă klei dưi.

Kơ bruă klam êlâo hĭn brei kƀĭn hlăm 6 mlan knhal jih thŭn 2026, Khua gĭt gai Đảng, Khua lăn čar lač brei bi leh dŭm hră mơar  phŭn čiăng kơ Anôk bruă gĭt gai ngă bruă sa anăn, tŭ dưn; jao kơ Anôk bruă gĭt gai, bi hgŭm hŏng Phŭn bruă čih mkra hdră bhiăn, Phŭn bruă tuh tia mnia blei, dŭm phŭn, dhar bruă, alŭ wăl mlir dhar bruă ksiêm dlăng kluôm bruă hlue ngă klei ƀuăn rơ̆ng, klei kuôl kă lu ala čar, klei bi trông yuôm bhăn; mkŏ mjing ksiêm dlăng 1 thŭn hlue ngă Hdră mtrŭn 59; mprăp mkŏ mjing Hdră bruă phŭn hŏng tač êngao kluôm ti hnơ̆ng mrâo.