Klah čŭn mmông mă bruă, Khua gĭt gai Đảng, Khua lăn čar bi mni kơ ai tiê đua klam mơ̆ng dŭm anôk bruă hlăm klei mprăp hră čih, klei hưn mdah, hdră bruă; mbĭt anăn mtă lŏ dơ̆ng mă klei blŭ mguôp, bi leh hră mơar rơ̆ng hnơ̆ng jăk leh anăn hnơ̆ng ngă. Hŏng akŏ hlue ngă hdră êlan mđĭ kyar bruă duh mkra knŭk kna hlue si Hdră mtrŭn 79 mơ̆ng Phŭn bruă kđi čar, Khua gĭt gai Đảng, Khua lăn čar mtă bi sa anăn klei thâo săng kơ bruă duh mkra knŭk kna msĕ si sa anôk phŭn mâo ngăn prăk, prăk knŭk kna, lăn ala, ngăn dŏ, anôk bruă nah gŭ, kriê pioh ala čar, anôk bruă duh mkra knŭk kna leh anăn dŭm klei găl knŭk kna mkăn.

Boh phŭn wưng kơ anăp jing ktuê dlăng bi leh hdră bhiăn djŏ tuôm, ruh mgaih klei kpăk đuôm kơ klei găl leh anăn mđĭ klei tŭ dưn kriê dlăng bruă duh mkra knŭk kna leh anăn mđĭ lar bruă klam atăt gai mơ̆ng bruă duh mkra knŭk kna hlăm bruă duh mkra mbĭt.