Nao hgŭm mâo Khua knŭk kna Lê Minh Hưng, Kiăng khua Anôk bruă gĭt gai; Khua hlăm Anôk bruă Đảng Trần Cẩm Tú, Kiăng khua Anôk bruă gĭt gai mbĭt hŏng phung khua. Ti anôk bi kƀĭn, phung bi ala bi trông, brei klei blŭ kơ 6 mta bruă, mâo: ksiêm wĭt jih jang hră mơar djŏ hŏng hdră bhiăn; Hdră êlan bi leh klei bhiăn Việt Nam hlăm ênuk gưl mrâo; mđĭ hĭn klei tŭ dưn bruă mkŏ mjing klei bhiăn, lehanăn mtrŭt mđĭ klei bhiăn djŏ guôp; mkra mlih hdră bhiăn ƀuah mkra klei soh leh anăn Hdră bhiăn mkŏ mjing anôk bruă ksiêm dlăng klei soh; hdră êlan mghaih msir klei ngă soh hŏng hdră bhiăn lehanăn mghaih msir klei amâo thâo bi djŏ hlăm yang ƀuôn.

Blŭ hrăm gĭt gai, Khua gĭt gai Đảng, Khua lăn čar Tô Lâm mñă klă, bruă mkŏ mjing leh anăn hluê ngă hdră bhiăn brei đru msir mghaih dŭm klei kpăk, bi hrŏ ênoh bi liê hluê ngă, bi hluh ai dưi, rơ̆ng klei dưi leh anăn klei tŭ dưn djŏ hdră bhiăn mơ̆ng mnuih ƀuôn sang, anôk bruă duh mkra, mjing boh kdrŭt mđĭ kyar bruă duh mkra - ala ƀuôn, rơ̆ng kjăp bruă lĭng kahan, klei êđăp ênang.