Blŭ hrăm ti anôk bi kƀĭn, Khua gĭt gai Đảng, Khua Lăn čar Tô Lâm mñă klă bruă klam phŭn mơ̆ng dhar kreh, bi mklă anei jing tur knơ̆ng ai tiê hơĭt kjăp mơ̆ng yang ƀuôn, jing mta kñăm lehanăn boh kdrŭt hlăm lam yuôm bhăn čiăng mđĭ kyar lăn čar hơĭt kjăp.

Mñă kơ Êpul gĭt gai hyuă kjăp dŭm hdră mtrŭn mơ̆ng Đảng, boh nik jing klei bi klă mơ̆ng ayang Khua gĭt gai Đảng Nguyễn Phú Trọng hlăm klei kƀĭn trông dhar kreh kluôm ala thŭn 2021. Khua gĭt gai Đảng, Khua Lăn čar Tô Lâm mñă klă bruă mkŏ mjing boh tŭ anak mnuih Việt Nam hlăm ênuk mrâo srăng nao mbĭt hŏng djă pioh knhuah gru dhar kreh. Mbĭt anăn, čiăng kñăm bi kluôm dŭm hdră êlan, iêo jak jih hnơ̆ng ai dưi yang ƀuôn čiăng duh bi liê kơ dhar kreh, ba dhar kreh ñŭ kma hlăm klei hdĭp, mkŏ mjing ai ktang mơ̆ng lam čiăng ngă tŭ dưn dŭm mta kñăm đĭ kyar lăn čar.