Hluê si klei hưn mdah leh anăn klei blŭ mguôp hlăm mmông mă bruă, Khua gĭt gai Đảng, Khua Lăn čar Tô Lâm lač klă klei mĭn, bruă ksiêm duah klei kreh knhâo srăng dưi mlih mrâo ktang wăt hlăm klei thâo săng, klei kiă kriê, hdră êlan duh bi liê, mkŏ mjing hluê ngă leh anăn hdră êlan ngă bruă čiăng bi mâo djăp klei čiăng đĭ kyar lăn čar hlăm wưng mrâo.

Bơ̆k bâo kơ dŭm bruă čiăng ngă mtam, Khua gĭt gai Đảng, Khua Lăn čar Tô Lâm jao kơ bruă Đảng Knŭk kna gĭt gai, ktrâo lač kñăm kơ 9 bruă klam, boh nik mjê mkŏ mjing hdră êlan ala čar kơ ksiêm duah klei kreh knhâo truh thŭn 2045. Hdră êlan bi klă kơhưm, bruă klam, klei mđing tal êlâo, ai dưi, hdră êlan ngăn prăk, hdră bi klă leh anăn klei ngă bruă, ngă djŏ mta kñăm, duh bi liê wưng sui, nao mbĭt hŏng mta kñăm mđĭ kyar pral, hơĭt kjăp leh anăn čŏng pô hdră êlan.