Bi klă hlăm klei bi kƀĭn, Khua gĭt gai Đảng, Khua Lăn čar Tô Lâm mñă klă bruă ba mdah hdră mtrŭn mrô 36 jing hdră êlan djŏ guôp, đru mđĭ klei thâo săng kơ kơhưm, bruă klam, bi kluôm hdră êlan, mtrŭt mđĭ klei đĭ kyar bruă duh mkra êa ksĭ, mđĭ bruă mkŏ mkra ktuê hang ksĭ, bi hơĭt klei hdĭp mnuih ƀuôn sang leh anăn bi kjăp bruă lĭng kahan, răng mgang klei êđăp ênang, răng mgang klei dưi kiă kriê êa ksĭ, plao ksĭ.

Ƀiădah, bruă duh mkra êa ksĭ ăt ka đĭ kyar năng hŏng klei găl leh anăn klei čuăn đĭ kyar lăn čar. Khua gĭt gai Đảng, Khua Lăn čar Tô Lâm mñă brei ksiêm dlăng mkŏ mjing sa hdră mtrŭn mrô mơ̆ng gưl dlông kơ êa ksĭ, mkŏ mjing klei kdlưn hĭn kơ klei mĭn, hdră êlan leh anăn gru hmô đĭ kyar, bi mâo djăp klei čuăn mđĭ kyar hlăm wưng mrâo.