Bi klă hmă mmômg mă bruă, Khua gĭt gai Đảng, Khua Lăn čar Tô Lâm mñă ktang čiăng bi sa anăn klei mkĭn hlăm bruă kđi čar jing kdrăp mrâo lượng tử jing boh klei hdră êlan ala čar, srăng dưi dưm hlăm kluôm hdră hluê ngă hdră mtrŭn mrô 57 mơ̆ng Phŭn bruă kđi čar leh anăn hdră êlan mđĭ kyar lăn čar hlăm wưng mrâo, nao mbĭt hŏng răng mgang klei êđăp ênang ala čar, klei čih pioh ala čar, bruă tuh tia kdrăp bán dẫn leh anăn AI.

Khua gĭt gai Đảng, Khua Lăn čar Tô Lâm brei ksiêm dlăng kluômdŭm klei hưn yuôm bhăn mơ̆ng Đảng, Knŭk kna, bruă lĭng kahan, klei êđăp ênang, knơ̆ng prăk, pui kmlă, dăng kông…čiăng mkŏ mjing hdră êlan bi mlih găl guôp, čŏng pô mơ̆ng hnưm, mơ̆ng kbưi, mbĭt anăn kñăm duh bi liê mâo mta kñăm, anăp truh mkŏ mjing dŭm anôk ksiêm duah ktang leh anăn adŭ ngă bruă phŭn.