Khua gĭt gai Đảng, Khua Lăn čar Tô Lâm klă klơ̆ng nao čuă Thailand
Thứ năm, 10:02, 28/05/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Yang hruê dơ̆ng mbruê, Khua gĭt gai Đảng, Khua Lăn čar Tô Lâm mbĭt hŏng mô̆ ñu leh anăn êpul bi ala gưl dlông Việt Nam đuĕ leh mơ̆ng Hà Nội klă klơ̆ng nao čuă ala čar Thailand.
Anei jing gưl nao čhưn tal êlâo mơ̆ng khua gĭt gai Đảng, Knŭk kna Việt Nam truh ti Thailand leh klei kƀĭn prŏng tal 14 mơ̆ng Đảng leh anăn leh êpul khua êmua gĭt gai mrâo mơ̆ng Việt Nam dưi bi kluôm dhuôm. Năng mđing hĭn, Thailand jing ala čar ASEAN tal êlâo mâo Khua gĭt gai Đảng, Khua Lăn čar Tô Lâm nao čhưn hlăm dŭm mta bruă hŏng tač êngao gưl dlông ti alŭ wăl.
Gưl nao čhưn mkŏ mjing hlăm wưng dua ala čar bi hdơr 50 thŭn mkŏ mjing klei mjĕ giăm leh anăn leh Việt Nam hŏng Thailand mđĭ hnơ̆ng klei mjĕ giăm kluôm dhuôm hlăm mlan 5/2025. Gưl nao čhưn dưi hmăng hmưi mkŏ mjing boh kdrŭt mrâo mtrŭt mđĭ klei bi mguôp dua tĭng klă klơ̆ng hĭn, kluôm dhuôm hĭn, đru mguôp hlăm klei êđăp ênang, hơĭt kjăp leh anăn mđĭ kyar mơ̆ng alŭ wăl ASEAN.
Viết bình luận