Klah čŭn mmông mă bruă Khua gĭt gai Đảng, Khua lăn čar Tô Lâm lač klă bruă klam yuôm bhăn mơ̆ng Adŭ bruă khua lăn čar hlăm bruă đru kčĕ bruă kơ Khua lăn čar leh anăn K’iăng khua lăn čar, mbĭt anăn bi mni kơ bruă ngă mơ̆ng adŭ bruă hlăm wưng êgao êdah kdlưn jing hnơ̆ng jăk bruă đru kčĕ ƀrư̆ dưi mkra mđĭ tal êlâo ngă bruă bruă klam jao, bi êdah ai tiê đua klam leh anăn knhuah gru jăk siam mơ̆ng adŭ bruă.

Mñă klă klei čiăng ƀrư̆ lu hlăm boh klei mrâo, Khua gĭt gai Đảng, Khua lăn čar mtă, Adŭ bruă khua lăn čar brei hlue ngă 8 bruă klam phŭn, hlăm anăn brei Adŭ bruă lŏ dơ̆ng mđĭ hnơ̆ng jăk đru kčĕ, mbha klă grăp êpul bruă, ai tiê jing pral djŏ klă amâo brei mâo klei soh, brei ngă djŏ bruă klam, tŭ dưn.