Hà Nội mâo lu boh tŭ jăk hŏng GRDP đĭ 8,22%, prăk hrui wĭt êbeh 404 êbâo êklai prăk, bi liê knŭk kna êbeh 63 êbâo êklai prăk. Bi mni kơ klei gĭr mơ̆ng ƀuôn prŏng hlăm klei bi leh klei bhiăn, mđĭ kyar anôk bruă nah gŭ, mkra mlih hră mơar leh anăn mkŏ mjing wăl đĭ kyar, Khua gĭt gai Đảng, Khua lăn čar mtă kơ Hà Nội  kƀĭn hlue ngă 8 bruă klam phŭn hlăm 6 mlan knhal jih thŭn, dlăng klei đĭ kyar dua ênoh mrô jing bruă klam kđi čar yuôm bhăn.

Klă klơ̆ng, Hà Nội brei mjing klei êdah kdlưn kơ klei kreh knhâo, kdrăp mrâo, mlih mrâo mbruă, bi mlih mrô leh anăn mnuih mă bruă hnơ̆ng jăk lu. Hà Nội brei ba anăp hlăm klei mkŏ mjing bruă duh mkra mơ̆ng klei thâo, ênoh mrô leh anăn klei mĭn mbruă, mđĭ pral klei mkŏ leh anăn ba yua ênoh mrô yua duh kơ klei gĭt gai, đăo knăl hnơ̆ng đĭ kyar, ktuê dlăng bi liê knŭk kna, kriê dlăng lăn ala, msir mgaih hră mơar leh anăn rơ̆ng klei hdĭp mda ala ƀuôn.