Khua gĭt gai Đảng, Khua lăn čar Tô Lâm mă bruă hŏng Anôk kriê dlăng bruă Đảng bruă kƀĭn ala
Thứ tư, 10:42, 27/05/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Tlam 26/5, ti Sang bruă Kƀĭn ala, Khua gĭt gai Đảng, Khua lăn čar Tô Lâm – Khua êpul ksiêm dlăng mrô 10 mơ̆ng Phŭn bruă kđi čar gĭt gai leh Klei bi kƀĭn bi mklă klei čih mkra Hră hưn mdah boh tŭ ksiêm dlăng tal 2 hŏng Anôk kriê dlăng bruă Đảng bruă kƀĭn ala.
Anôk bruă kƀĭn ala bi mklă leh Hdră mtrŭn mkra mlih, thiăm mbŏ dŭm mta hlăm Hdră bhiăn phŭn thŭn 2013, mbĭt anăn mkra mlih lu mta klei yuôm bhăn djŏ tuôm kơ anôk bruă knŭk kna. Dŭm mta hră mơar dưi ngă leh djŏ wưng kčah, ngă bruă hluê gru hmô mrâo, phŭn tal êlâo ka bluh mâo ôh klei kpăk gun prŏng.
Khua gĭt gai Đảng, Khua lăn čar mñă, brei pral bi leh klei bhiăn hluê hdră bi knar, sui thŭn, msir mghaih jih klei kčah mtrŭn knŏng msir mghaih hlăm wưng bhiâo. Mbĭt anăn, brei ksiêm dlăng kjăp hdră ba yua ti gưl nah gŭ, boh nik ti gưl să leh hdră mkŏ dăp, pral ruh mtlaih klei dleh dlan kơ klei mnuih mă bruă, klei thâo phung knuă druh, klei găl lehanăn kah mbha klei dưi, amâo lui bluh mâo klei kah mbha gưl ƀiădah kƀah mnuih mă bruă hluê ngă./.
Viết bình luận