Êlâo anăn, hlăm aguah mbruê 20/7, gĭt gai leh anăn blŭ hrăm mphŭn pŏk klei bi kƀĭn, Khua gĭt gai Đảng, Khua Lăn čar Tô Lâm mñă klă: Klei bi kbĭn tal anei mâo bruă klam yuôm bhăn jing bi mlih dŭm hdră êlan phŭn mơ̆ng Hdră mtrŭn Klei bi kƀĭn tal 14 jing hdră êlan klă klơ̆ng ruh mgaih klei kpăk đuôm, ba yua klei găl leh anăn mjing boh kdrŭt đĭ kyar mrâo.

Khua gĭt gai Đảng, Khua lăn čar Tô Lâm mñă kơ phung bi ala mđing bi trông kơ 13 mta phŭn yuôm bhăn hlăm lu mta bruă, đru mguôp klei blŭ hlăm klei čih mkra Hdră mtrŭn leh anăn Hdră ngă bruă. Boh nik, dŭm klei blŭ brei khuăt, klă sĭt, ba mdah hdră msir jăk hĭn čiăng mđĭ klei dưi kriê dlăng ala čar, mă klei sa ai leh anăn trei mđao mơ̆ng Mnuih ƀuôn sang jing hnơ̆ng mkă kdlưn hĭn.