Hŏng akŏ: Mđĭ lar knhuah gru “Lĭng kahan Awa Hô”, Knhuah gru “Sĭt suôr – Hgŭm mguôp – Ba akŏ – Mlih mrâo”, mkŏ mjing Êpul kahan hđăp Việt Nam kpă ênuah, kjăp ktang, bi leh jih bruă klam mâo kčah jao.

Blŭ hrăm ti Anôk bi kƀĭn, Khua gĭt gai Đảng, Khua lăn čar Tô Lâm mñă, Ala čar drei dôk mŭt hlăm wưng đĭ kyar mrâo hŏng klei čang hmăng, mta kñăm prŏng; hlăk êjai anăn, klei dôk čiăng hŏng Êpul kahan hđăp Việt Nam amâo djŏ knŏng ngă jăk bruă klam mơ̆ng đưm, ƀiădah brei mlih mrâo mta phŭn, hdră ngă, mđĭ hnơ̆ng tŭ jăk bruă mkŏ mjing Êpul. Hluê ai tiê anei, Khua gĭt gai Đảng, Khua lăn čar Tô Lâm mtă, Klei bi kƀĭn mđing bi trông, hluê ngă jăk bruă klam mkŏ mjing Êpul kahan hđăp Việt Nam kjăp ktang kluôm dhuôm, kla sĭt jing êpul bruă kđi čar – ala ƀuôn đăo knang mơ̆ng Đảng, Knŭk kna lehanăn mnuih ƀuôn sang./.