Bi ala Đảng, Knŭk kna; Khua gĭt gai Đảng, Khua lăn čar jao leh Klei bi mklă mơ̆ng Anôk bruă kƀĭn ala kơ bruă mkŏ mjing Ƀuôn prŏng Đồng Nai lehanăn jao Medai ngă bruă mrô Sa kơ bruă Đảng, bruă knŭk kna lehanăn mnuih ƀuôn sang ƀuôn prŏng. Blŭ hrăm ti knăm anei, Khua gĭt gai Đảng, Khua lăn čar mñă, hlăm dŭm hdră kdơ̆ng mblah, Đồng Nai jing anôk bi êdah kơ klei jhŏng ktang, sĭt suôr hŏng Đảng, Ala čar lehanăn mnuih ƀuôn sang. Mơ̆ng krĭng lăn jiă knhuah gru cách mạng, Đồng Nai kpưn đĭ jing leh sa hlăm dŭm anôk bruă tuh tia mkra mjing, ƀuôn prŏng lehanăn ñu kma yuôm bhăn mơ̆ng ala čar.

Bruă jing ƀuôn prŏng hlăm Gưl dlông pŏk leh ktuê êlan đŭ kyar mrâo, dôk čiăng hnơ̆ng trah dlăng, klei thâo kriê dlăng mrâo lehanăn klei đua klam prŏng anăp mnuih ƀuôn sang, mđing truh mta kñăm ba Đồng Nai hlăm êpul dŭm ƀuôn prŏng năng hdĭp, năng mphŭn čô̆ kơ bruă krĭng Asi lehanăn tar rŏng lăn./.