Hŏng 7 mta phŭn pioh lŏ bi leh klei hâo mdah bruă ksiêm wĭt hlăm wưng tinăp. Khua gĭt gai Tô Lâm mñă, ksiêm wĭt hŏng klei klă mngač, dlăng klă ti dŭm klei awăt êdu, klei ka djŏ, kơ dŭm klei ka tŭ jing, mă dŭm klei hriăm, dŭm klei dôk gun kpăk čiăng bi ruh mgaih hĕ, brei hlak mblang bi mngač dŭm klei mâo mă klei hriăm, msĕ si čoh čuăn kơ dŭm mta kñăm klei êngiê djuê ana, lehanăn yang ƀuôn ngă phŭn, lŏ dơ̆ng mlih mrâo hŏng klei knhêč hlue hŏng atur kjăp mă mnuih ƀuôn sang jing phŭn, mkŏ mjing Đảng hlăm doh mngač kjăp ktang, mghaih msir bi kjăp jih jang bruă prŏng…

Khua gĭt gai mtă lŏ dơ̆ng bi kjăp hdră êlan, lehanăn tă hdră êlan kiă kriê lăn čar hlăm  100 thŭn tinăp. Ñu ăt lŏ mtă, dưn yua jih klei thâo mĭn mơ̆ng kluôm Đảng, mơ̆ng dŭm anôk bruă ksiêm duah, phung ngă bruă kreh knhâo, phung truăn, mơ̆ng dŭm gưl phung khua kiă kriê, hlăm grăp gưl ênuk. Mbĭt hŏng dŭm bruă truăn kơ bruă, mđing ksiêm dlăng klei hlue ngă, kyuadah bruă knuă jing prŏng, klei čiăng jing prŏng, wưng mă bruă brei bi pral, kyua anăn bruă mkŏ mjing dah amâo mâo jăk dleh dưi mâo klei tŭ lehanăn bi leh bruă knuă./.