Mâo klei hơêč hmưi jăk siam truh hŏng phung bi ala, ƀri bi hdơr 101 thŭn hrue bruă klei mrâo cách mạng, drei bi hdơr lehanăn mâo klei hdơr knga kơ Khua gĭt gai  Hồ Chí Minh, sa čô pô ngă bruă klei mrâo hing ang, mnuih mjing leh tur kjăp kơ bruă klei mrâo cách mạng Việt Nam.

Drei hdơr knga kơ phung ngă bruă klei mrâo nao êlâo, boh nik, êbeh 500 čô phung ngă klei mrâo êngiă asei, lehanăn dŭm êbâo čô phung ngă klei mrâo êka êkeh, mâo duh myơr săn asei mlei kơ kyua klei hnŭk êngiê, klei jăk mơak kơ mnuih ƀuôn sang, kyua bruă klei mrâo Cách mạng Việt Nam. Snăn, bruă klei mrâo brei nao mđrĭng hŏng dŭm bruă čuăn tal êlâo mơ̆ng lăn čar hlăm ênuk gưl mrâo. Khua gĭt gai Tô Lâm mtă, bruă klei mrâo bi hgŭm hŏng ai tiê thâo bi mkŏ mjing: Thâo ƀuh djŏ klă boh klei, lač djŏ hŏng klei sĭt, hlak mblang bi klă boh phŭn, mâo klei akâo bi djŏ hdră. Khua gĭt gai đăo knang hŏng êpul phung ngă bruă klei mrâo mâo klei jhŏng, mâo klei mĭn lehanăn ai tiê hur har, bruă klei mrâo cách mạng Việt Nam srăng bi leh jăk bruă klam jing klei blŭ mơ̆ng Đảng, Knŭk kna lehanăn mnuih ƀuôn sang./.