Lu klei blŭ hlăm klei bi kƀĭn brei thâo, bi mlih mtah leh anăn ngă hnơ̆ng čuăn ESG ară anei jing klei čiăng êdi, klei brei ngă čiăng kơ anôk bruă duh mkra mđĭ lar hră akâo blei, pŏk  mlar anôk ba čhĭ leh anăn mđĭ klei bi ktưn. Čiăng dưi ngă klei anei, anôk bruă duh mkra brei bi hrŏ djah djâo, kriê dlăng klă mngač, yua tŭ dưn ngăn dŏ, mkra mlih klei găl mă bruă leh anăn klă mngač ênoh mrô.

Blŭ hrăm hlăm klei bi trông, Khua Knơ̆ng bruă sang čư̆ êa čar Gia Lai Phạm Anh Tuấn bi mklă 2026-2030, alŭ wăl bi mklă srăng mđĭ klei mlih mrô, bi mlih mtah, mđĭ kyar bruă tuh tia mkra mjing, êa pui êwa čuh leh anăn bruă lŏ hma yua kdrăp mrâo. Khua Knơ̆ng bruă sang čư̆ êa čar Gia Lai ƀuăn rơ̆ng bruă sang čư̆ êa săng bi mlih mơ̆ng klei mĭn kriê dlăng jing ngă bruă, mbĭt anăn hrăm mbĭt hŏng anôk bruă duh mkra pŏk ngă dŭm hdră bruă.