Ti anôk drông, Khua knŭk kna Việt Nam dlăng myuôm klei bi hgŭm mâo leh mơ̆ng đưm hŏng  Croatia lehanăn bi mni dŭm knhuang đĭ kyar jăk hlăm klei hgŭm dua nah wưng leh êgao. Dôk mâo lu klei găl pŏk mlar klei bi hgŭm, Khua knŭk kna čang hmăng dua nah mđĭ hĭn  klei bi hgŭm duh mkra mnia mblei, pral dưi bi sĭt klei čiăng bi mnia mblei dua nah truh ti ênoh 161 êklăk USD ară anei.

Khua knŭk kna ăt mâo klei čiăng ksiêm duah mkŏ mjing klei bhiăn hgŭm, pioh bi hơĭt klei mă bruă kjăp dua nah. Việt Nam akâo kơ phung duh mkra Croatia duh bi liê lu hlăm bruă kdrŭn ksĭ, bruă logistics, ba yua pui kmlă doh, bruă hiu čhưn ênguê, bruă kreh knhâo, kdrăp mrâo, klei bi mlih mrô lehanăn mdrơ̆ng hŏng klei yan adiê bi mlih. Khua phŭn bruă Gordan Grlić Radman bi klă Croatia yap nanao klei mjĕ mgiăm hŏng Việt Nam lehanăn srăng mprăp hgŭm tŭ jing klei bhiăn dua nah, bi mguôp phung duh mkra, lehăn pŏk mlar klei bi hgŭm hlăm lu mta bruă./.