Ti anôk bi tuôm, Khua knŭk kna lač, hlăm klei nao čhưn kơ ala čar Russia, lehanăn nao ti anôk bi hdơr 80 thŭn hrue mblah dưi klei bi blah răng mgang lăn čar mơ̆ng Khua gĭt gai Tô Lâm (hlăk mlan 5/2025), Khua gĭt gai gưl dlông dua ala čar mâo leh dŭm boh tŭ dưn mbĭt, bi leh hdră êlan hgŭm dua ala čar ba wĭt klei tŭ dưn kơ dua nah hlăm djăp mta bruă, djŏ guôp hŏng klei mđĭ kyar mrâo.

Khua knŭk kna đăo knang  hlăm wưng tinăp, ala čar Tatarstan srăng tui duah dŭm alŭ wăl djŏ guôp ti Việt Nam čiăng mâo klei bi hgŭm, kơ klei duh mkra mnia mblei, bruă sang hră mơar, bruă hiu čhưn ênguê bruă dhar kreh. Lehanăn mtrŭt dŭm knơ̆ng bruă êdeh phiơr dua ala čar pŏk êlan phiơr bruă mnia mblei mơ̆ng Kazan hŏng Hà Nội.