Mñă klă klei mjĕ giăm dua ala čar ăt dôk mâo lu klei găl leh anăn klei mâo prŏng čiăng pŏk mlar klei bi mguôp klă sĭt, tŭ dưn hĭn, Khua knŭk kna Lê Minh Hưng mñă kơ dua tĭng bi hgŭm tliêr kjăp čiăng mđĭ hnơ̆ng klei mjêč hlăm wưng kơ anăp. Mta phŭn jing mđĭ hĭn klei bi trông êpul dŭm gưl, mđing mtrŭt mđĭ klei nao čuă mơ̆ng Khua gĭt gai gưl dlông; akâo kơ Canada lŏ dơ̆ng pŏk ƀăng anôk mnia mblei kơ mnơ̆ng dhơ̆ng Việt Nam, boh nik jing boh mnga bruă lŏ hma kan hdang.

Mbĭt anăn, mtrŭt mjhar anôk bruă duh mkra Canada mđĭ hdră duh bi liê hlăm dŭm hdră bruă phŭn kơ êa pui êwa čuh, hdră duh mkra mtah leh anăn hdră bruă kluôm dhuôm. Kơ kdrêč pô, Khua knŭk kna Canada Mark Carney bi mklă Việt Nam jing ƀĭng hgŭm yuôm bhăn phŭn ti krĭng ASEAN lehanăn India -Pacific. Dua ala čar čiăng kah mbha lu boh tŭ mbĭt hlăm tur knơ̆ng đăo knang kđi čar, mnia blei -bi liê pŏk mlar leh anăn mjĕ êrô mnuih ƀuôn sang êlam; tĭng Canada ƀuăn rơ̆ng hŏng Việt Nam mtrŭt mđĭ klei bi mguôp ƀrư̆ hruê ƀrư̆ đĭ kyar