Hŏng akŏ “Klei bi mjĕ ƀĭng hgŭm hluh knông lăn”, Klei kƀĭn trông mâo pă hdră bi trông kơ dŭm bruă, mâo bi hgŭm hlăm kdrăp hâo hưn ênuk mrâo lehanăn klei thâo anak mnuih hluh knông lăn: Kdrăp mrâo bruă ngăn prăk lehanăn ƀuôn prŏng kreh knhâo; bruă mnia mblei lu ala čar; Rơ̆ng klei êđăp ênang mnơ̆ng ƀơ̆ng huă, dŭ mdiăng lehanăn bi hgŭm logistic plah wah Russia lehanăn dŭm ala čar ASEAN; bi hgŭm bruă pui kmlă, anôk bruă nah gŭ lehanăn kdrăp mrâo; dŭm gru hmô klei bi mjĕ knŭk kna – klei đăo ti Russia lehanăn ASEAN.

Hlăm klei blŭ hrăm mphŭn pŏk, Khua knŭk kna Lê Minh Hưng lač leh 3 hdră bi hgŭm hlăm wưng ti anăp. Khua knŭk kna mtă kơ ASEAN lehanăn Russia brei mtrŭt mđĭ hdră bi hgŭm mrâo, đru kơ anôk bruă duh mkra kdrăp mrâo lehanăn anôk bruă duh mkra mda asei, mkŏ mjing wăl anôk mlih mrâo pral kdal, bi hgŭm kjăp hŏng êpul êya anôk bruă duh mkra dua tĭng. Khua knŭk kna mñă Việt Nam mprăp jing kdrông mkŏ, đru mtrŭt mđĭ hdră bi hgŭm bruă mnia mblei, duh bi liê plah wah ASEAN – Russia, mơ̆ng anăn mjing klei găl jing hdră bruă klă klơ̆ng, mjing klei bi hgŭm jing klei găl mnia mblei, mjing klei đăo knang jing boh kdrŭt đĭ kyar mrâo./.