Ti mmông drông, dua khua gĭt gai mơak ƀuh klei bi hgŭm kluôm Việt Nam - Japon mŭt hlăm thŭn tal 3 lŏ dơ̆ng mâo hnơ̆ng đĭ kyar ktang, klă sĭt, tŭ dưn hlăm djăp mta bruă hŏng klei đăo knang kđi čar. Japon lŏ dơ̆ng jing ƀĭng hgŭm bruă duh mkra yuôm bhăn hŏng Việt Nam, jing ƀĭng hgŭm mrô sa kơ klei bi hgŭm ODA leh anăn mă bruă, pô bi liê prŏng tal 3, ƀĭng hgŭm mnia blei leh anăn hiu čhưn ênguê tal 4.

Bi hgŭm alŭ wăl leh anăn mjĕ êrô mnuih ƀuôn sang plah wah dua ala čar ƀrư̆ hruê ƀrư̆ jĕ giăm hŏng êbeh 100 klei bi hgŭm alŭ wăl, hlăm anăn mâo bruă klam mơ̆ng êpul êya 5000 čô mnuih Việt Nam ti čar Yamanashi leh anăn 40 anôk bruă duh mkra mơ̆ng Yamanashi ti Việt Nam.