Klei hưn mdah brei ƀuh, 6 mlan akŏ thŭn êgao, dŭm phŭn, dhar bruă, alŭ wăl hluê ngă leh lu hdră bruă bi lông ktưn khăp kơ lăn čar nao mbĭt hŏng bruă klam mđĭ kyar bruă duh mkra ala ƀuôn. Năng mđing, hruê 13/6, Khua Knŭk kna mtrŭt mjhar hdră bi lông ktưn hluê ngă mta kñăm mđĭ kyar hơĭt kjăp 2 ênoh mrô wưng thŭn 2026 - 2030.

Blŭ hrăm hlăm klei kƀĭn, Khua Knŭk kna mñă ktang bi lông ktưn srăng mđing truh boh tŭ dưn klă klơ̆ng, mă boh tŭ dưn đru mguôp kơ klei đĭ kyar lăn čar, rơ̆ng kơ bruă lĭng kahan, răng mgang klei êđăp ênang leh anăn mđĭ hnơ̆ng klei hdĭp mnuih ƀuôn sang jing giê mkă, ktang phĭt msir klei ngă khă bi mâo. Khua Knŭk kna lač klă, boh sĭt hlăm wưng êgao čih yap lu gru hmô mrâo, hdră ngă bruă jăk mâo knhuah bi lar. Anăn jing hdră bi khuăt phung mă bruă, bi hluh anôk kpăk kơ dŭm hdră ala čar kñăm, dŭm klei yăl dliê mgei ai tiê mơ̆ng hdră bruă 500 hruê mlam tui duah, bi kƀĭn klang leh anăn bi klă hlei pô lĭng kahan êngiă asei.