Blŭ klah čŭn, Khua knŭk kna lač, alŭ wăl kwar yŭ dhŭng lehanăn čar Vĩnh Long mâo lu bruă năng ngă pioh kơ klei mđĭ kyar. Boh nik, hnơ̆ng đĭ kyar GRDP 3 mlan akŏ thŭn 2026 mơ̆ng čar truh 5,3%, ka djăp ôh hŏng ênoh kčah hlăm bruă rŭ mdơ̆ng.

Khua knŭk kna mtă kơ Vĩnh Long mlih mrâo klei mĭn, bi mklă hdră êlan mđĭ kyar mrâo, bi sa hnơ̆ng hlăm klei mă bruă, iêo jak lu klei duh bi liê hlăm bruă tuh tia, bruă čhĭ mnia lehanăn mjuăt bi hriăm mnuih mă bruă. Tui si Khua knŭk kna, čar lŏ dơ̆ng hlak bi mngač jih jang bruă čuăn klei mđĭ kyar hŏng grăp mta bruă tuh tia, rŭ mdơ̆ng, mnia mblei, lehanăn bruă lŏ hma, jao bruă klă mngač kơ grăp alŭ wăl, knơ̆ng dhar bruă, phung duh mkra nâo mbĭt hŏng mnuih mă bruă lehanăn ai dưi ngă bruă./.