Ti anôk bi kƀĭn, Khua knŭk kna mni kơ dŭm klei gĭr, boh tŭ dưn yuôm bhăn mơ̆ng bruă Đảng, Bruă sang čư̆ êa lehanăn mnuih ƀuôn sang ƀuôn prŏng  Cần Thơ mâo leh hlăm wưng êgao. Khădah msĕ snăn, khua knŭk kna bi êdah klă, hnơ̆ng đĭ kyar GRDP mơ̆ng ƀuôn prŏng dôk tal 31/34 alŭ wăl, mđĭ kyar bruă tuh tia – bruă rŭ mdơ̆ng ka mâo klei iêo jak kjăp ôh, msĕ si dŭm bruă mkra mjing lehanăn kdrăp mrâo adôk awăt. Khua knŭk kna čang hmăng ƀuôn prŏng Cần Thơ bi mlih hdră êlan mă bruă.

Mâo dŭm klei bhiăn kjăp, hdră êlan djŏ pioh mđĭ kyar jih klei găl, boh nik hlăm bruă bi êran pui kmlă hŏng ai angĭn lehanăn pil yang hrue, bruă kdrŭn ksĭ, lehanăn rŭ mdơ̆ng ƀuôn prŏng. Lŏ mñă kơ klei găl mđĭ kyar, Khua knŭk kna Lê Minh Hưng lač, bruă čuăl mkă mơ̆ng ƀuôn prŏng bi hlue ngă djŏ hŏng klei leh tă kluôm ala, čuăl mkă bi djŏ hlăm wưng tinăp./.