Blŭ hrăm hlăm klei kƀĭn, Khua Knŭk kna Lê Minh Hưng lač klă, Klei kƀĭn kluôm tal 14 bi klă mtrŭt mđĭ bruă hŏng tač êngao leh anăn ñŭ kma tar rŏng lăn jing bruă klam phŭn mơ̆ng Đảng, brei ƀuh klei bi myuôm hŏng bruă klam, kơhưm mơ̆ng bruă hŏng tač êngao.

Bi kơ dŭm bruă klam, hdră êlan phŭn hlăm wưng kơ anăp, Khua Knŭk kna mñă ktang klei čuăn mkŏ mjing bruă Đảng kpă ênô kjăp ktang, boh nik jing dlăng yuôm, ngă jăk bruă mkŏ mjing Đảng, răng mgang bruă kđi čar, boh nik ti dŭm alŭ wăl yuôm bhăn, mâo hdră êlan mơ̆ng kbưi, mơ̆ng hnưm êjai bluh mâo boh klei. Mbĭt anăn, Phŭn bruă hŏng tač êngao mtrŭt mđĭ klei mlih mrô nao mbĭt hŏng hdră bi mlih mrô, mjêč mkŏ mjing hdră kriê dlăng klei mlih mrô, ksiêm dlăng, kiă kriê, mtrŭt mjhar bruă hluê ngă dŭm klei ƀuăn rơ̆ng, klei kuôl kă, boh nik jing dŭm klei kuôl kă leh gưl nao čhưn mơ̆ng khua gĭt gai gưl dlông, mbĭt anăn kñăm mprăp dŭm mta bruă mơ̆ng khua gĭt gai gưl dlông hlăm wưng kơ anăp.