Klei bi kƀĭn gưl dlông tal anei jing yuôm bhăn kñăm mđĭ klei bi hgŭm hdră bruă ASEAN -Russia, mđĭ klei ƀuăn rơ̆ng kđi čar, mjing mrâo boh kdrŭt bi hgŭm leh anăn bi mklă hdră bruă kơ klei bi hgŭm ASEAN- Russia wưng kơ anăp hlăm jih 3 kmeh gơ̆ng kđi čar - klei êđăp ênang, bruă duh mkra leh anăn dhar kreh - ala ƀuôn.

Ƀri gưl nao hlăm klei bi kƀĭn, Khua knŭk kna Lê Minh Hưng mĭn tĭng mâo klei bi tuôm, mă bruă hŏng khua gĭt gai Russia leh anăn Tatarstan; bi mklă Việt Nam dlăng klei bi hgŭm knhuah gru, ƀĭng hgŭm kluôm hŏng Russia leh anăn čang hmăng mđĭ lar, mkra mđĭ klei bi hgŭm hlăm dŭm bruă kyua klei tŭ dưn mbĭt dua ala čar, đru mguôp jăk kơ klei êđăp ênang, hơĭt kjăp, bi hgŭm leh anăn mđĭ kyar ti krĭng wăl leh anăn dlông rŏng lăn.