Anei jing gưl nao čhưn klă sĭt tal êlâo mơ̆ng Khua knŭk kna Lê Minh Hưng truh kơ dua ala čar riêng gah hlăm bruă klam jing khua kiă kriê Knŭk kna. Ti Lào, klei nao čhưn mkŏ mjing mtam leh ala čar anei bi mklă khua kiă kriê Knŭk kna, mjing klei găl čiăng kơ dua Khua knŭk kna bi trông kơ hdră êlan leh anăn dŭm hdră msir mđĭ hĭn klei bi hgŭm hlăm wưng mrâo. Ti Campuchia, gưl nao čhưn mkŏ mjing pă mlan leh gưl nao čhưn klă klơ̆ng Việt Nam mơ̆ng Khua knŭk kna Hun Manet.

Hlăm gưl nao čhưn, Khua knŭk kna Lê Minh Hưng srăng mbĭt hŏng khua gĭt gai dua ala čar bi trông dŭm hdră êlan mtrŭt mđĭ klei bi hgŭm, boh nik kơ bruă duh mkra, mnia mblei, duh bi liê, mkŏ bruă nah gŭ, mtô mjuăt bi hriăm leh anăn mjĕ mjuk mnuih ƀuôn sang. Gưl nao čhưn đru ba dŭm klei kuôl kă gưl dlông plah wah Việt Nam hŏng Lào leh anăn Campuchia nao hlăm boh sĭt, tŭ dưn hĭn.