Klei bi kƀĭn tal anei amâo djŏ knŏng jing klei bi hdơr ôh ƀiădah lŏ bi êdah klei ƀuăn rơ̆ng kđi čar gưl dlông mơ̆ng ASEAN leh anăn Russia hlăm klei mđĭ bi hgŭm, đru hlăm klei êđăp ênang leh anăn hơĭt kjăp duh kơ mđĭ kyar. Gưl nao mă bruă mơ̆ng Khua knŭk kna Lê Minh Hưng kñăm mđĭ lar bruă klam mkŏ mơ̆ng Việt Nam, mđĭ klei sa ai, đru kơ hdră tă klă sĭt, mơ̆ng anăn mjing thiăm boh kdrŭt mrâo kơ klei bi hgŭm ASEAN - Russia.

Hlăm klei bi kƀĭn anei, Việt Nam čang hmăng hŏng dŭm ala čar mđĭ dŭm bruă ngă msĕ si mnia blei, kreh knhâo - kdrăp mrâo, mlih mrô, djăp êa pui êwa čuh, mtô bi hriăm leh anăn hiu čhưn ênguê. Hŏng ruă klam jing ala čar ASEAN ba anăp hlăm klei bi hgŭm hŏng Êpul hgŭm bruă duh mkra Asi - Ơ Rôp, Việt Nam ăt srăng kah mbha boh sĭt kñăm pŏk mlar wăl bi hgŭ, plah wah ASEAN leh anăn krĭng wăl Asi - Ơ Rôp, mơ̆ng anăn bi mlih klei ƀuăn rơ̆ng kđi čar jing boh tŭ klă klơ̆ng kơ anôk bruă duh mkra leh anăn mnuih ƀuôn sang.