Bruă Khua knŭk kna Lê Minh Hưng nao hlăm Klei bi kƀĭn gưl dlông Bi hdơr 35 thŭn klei bi hgŭm ASEAN - Russia bi mklă bruă klam yuôm bhăn phŭn mơ̆ng klei bi hgŭm ASEAN - Russia hŏng Việt Nam, brei ƀuh klei čang hmăng mơ̆ng Việt Nam hlăm klei mđĭ lar bruă klam “mkŏ”mđĭ klei bi hgŭm kluôm ASEAN - Russia mđĭ kyar klă sĭt, tŭ dưn, bi knar hŏng klei găl leh anăn mâo knhuang mrâo ƀri gưl bi hdơr 35 thŭn bi hgŭm.

Klei bi kƀĭn ăt jing gưl kơ Việt Nam hŏng dŭm ala čar mđĭ  hdră ba yua klă sĭt, bi knar leh anăn mđing kơ boh tŭ klă klơ̆ng bi hgŭm ASEAN- Russia. Êngao anăn, Việt Nam ăt čang hmăng đru pŏk mlar wăl bi hgŭm plah wah ASEAN hŏng krĭng wăl Asi- Ơ Rôp.