Aguah mbrue 18/5, Phŭn bruă kreh knhâo kdrăp mrâo mkŏ mjing knăm kkuh mơak hrue kreh knhâo, kdrăp mrâo lehanăn mlih mrâo hŏng klei knhêč ti Việt Nam lehanăn klei bi kƀĭn ba yua kdrăp mrâo hŏng akŏ “Kreh knhâo, kdrăp mrâo bi mlih hŏng klei knhêč lehanăn bi mlih mrô – Boh kdrŭt phŭn mơ̆ng klei bi hmô mđĭ kyar mrâo”.

Blŭ hrăm hlăm knăm anăn, Khua knŭk kna Lê Minh Hưng bi klă, hrue kreh knhâo, kdrăp mrâo lehanăn mlih mrâo hŏng klei knhêč Việt Nam amâo mâo djŏ jing wưng mpŭ mđĭ kơ êpul phung thâo lu, phung ngă bruă kreh knhâo ƀiădah lŏ bi kơrŭ wĭt klei myưng m’ang kơ klei mĭn Việt Nam. Khua knŭk kna mñă, klei kreh knhâo, kdrăp mrâo, klei mlih mrâo hŏng klei knhêč lehanăn klei bi mlih mrô jing boh kdrŭt knơ̆ng čiăng bi sĭt klei mđĭ kyar lăn čar, lehanăn mtă kơ Phŭn bruă kreh knhâo, kdrăp mrâo mđing ruh mgaih dŭm klei dleh kpăk kơ ngăn prăk, duh tal êlâo kơ mnuih mă bruă kơ kdrăp mrâo, tă êlan kơ hdră mă bruă, lehanăn phung duh mkra kơ kdrăp mrâo./.