Boh tŭ êdah êdi mơ̆ng bruă bi mlih mrô kluôm wưng êgao jing ba yua VNeID leh anăn anăn knăl mnuih ƀuôn sang dưi bi mguôp 8 êpul klei hâo hưn, hră mơar hŏng 18 êklăk mrô dưi dưn hdră đru kơ yang ƀuôn; 25 êklăk hră dưi mgăt êdeh… Hrăm mbĭt 148 êklăk mrô đĭng blŭ ba yua hlăm Anăn knăl ala čar kơ mnuih ƀuôn sang, đru mguôp bi hrŏ SIM soh čhuai leh anăn phung ngă soh hŏng êlan đĭng blŭ. Ênoh mrô phung đảng viên mâo kriê dlăng êbeh 5.3 êklăk hră mơar. Hnơ̆ng ênoh prăk bi mnia mblei mnơ̆ng dhơ̆ng kdrăp mrâo mâo 54% ênoh prăk bi mnia mblei jih jang mnơ̆ng dhơ̆ng.

 Klah čŭn klei bi kƀĭn, Khua knŭk kna Lê Minh Hưng mtă kơ dŭm phŭn, dhar bruă, alŭ wăl brei mđĭ lar ai tiê đua klam mơ̆ng pô djă akŏ, msir mghaih jih jang bruă êgao wưng kčah leh anăn mđing bi doh, hrăm mbĭt klei čih pioh mrô čiăng mkăp kơ mnuih ƀuôn sang, anôk bruă duh mkra hŏng klei klă sĭt. Dŭm alŭ wăl brei pral ba mdah hdră mtrŭn mtrŭt mđĭ kơ anôk ala, hdră ngă bruă, hră mơar leh anăn jia čiăng đru kơ anôk bruă duh mkra kreh knhâo mphŭn čô̆ kơ bruă, mĭn mrâo leh anăn mnia blei mnơ̆ng dhơ̆ng ti alŭ wăl mtam./.