Ti anôk drông khua bruă kƀĭn ala bi myuôm bruă klam, k’hưm mơ̆ng ala čar Alemang hlăm Ơrôp (EU) lehanăn hŏng tar rŏng lăn, lehanăn mâo klei sa ai hŏng Alemang hlăm klei bi mguôp lu tĭng, klei bi mnia mblei êngiê, lehanăn bruă hlue gưt kjăp klei bhiăn tar rŏng lăn, hlăm anăn mâo klei bhiăn Êpul hgŭm lu ala čar, lehanăn klei bhiăn êa ksĭ thŭn 1982 (UNCLOS 1982).

Dua nah ăt đăo knang kjăp, kơ klei kut kat mơ̆ng bruă kđi čar, lehanăn klei gĭrr mbĭt mơ̆ng phung khua kiă kriê dua ala čar, klei bi hgŭm kluôm dhuôm Việt Nam – Alenang, lehanăn klei bi hgŭm plah wah bruă kƀĭn ala dua ala čar srăng lŏ mâo klei mđĭ kyar kluôm dhuôm, mtrŭn agha êlam hĭn lehanăn kjăp hĭn, kyua klei tŭ dưn kơ mnuih ƀuôn sang, mbĭt anăn mâo klei đru mguôp kjăp kơ klei êđăp ênang, hgŭm bruă lehanăn mđĭ kyar hlăm alŭ wăl lehanăn hlăm tar rŏng lăn./.