Yap yuôm bhăn klei čŏng pô leh anăn klei gĭr mơ̆ng dŭm êpul lĭng kahan, kahan ksiêm mbĭt hŏng bruă sang čư̆ êa alŭ wăl hlăm bruă mbĕ đuĕ êđăp ênang giăm 1.700 čô mnuih ƀuôn sang mơ̆ng krĭng huĭ hyưt, K’iăng Khua knŭk kna mtă kơ dŭm anôk bruă lŏ nao mbĭt hŏng alŭ wăl, amâo brei mnuih ƀuôn sang lŏ wĭt ti dŭm anôk adôk hŭi hyưt.  Hŏng hdră sui thŭn, čar Lai Châu akâo kơ Gưl dlông ksiêm dlăng đru prăk bi liê mbĕ đuê̆ mjêč hlăm brô 200 gŏ êsei mnuih ƀuôn sang kbiă mơ̆ng krĭng huĭ srăng klưh hroh lăn.

Mbĭt hŏng ai dưi đru mơ̆ng Knŭk kna, K’iăng khua knŭk kna mtă kơ Dhar bruă mặt trận čar kwar gưl dlông Việt Nam hŏng dŭm êpul êya bruă gĭr iêô mthưr, iêô mtrŭt ai dưi yang ƀuôn bi hgŭm; mjêč lŏ mprăp dŭm mta mnơ̆ng yua aguah tlam, đru kơ mnuih ƀuôn sang krĭng êa lip lêč Mường Than hnưm bi hơĭt klei hdĭp.