Êlan dơ̆ng pral Quy Nhơn - Pleiku mâo boh taih 125km, mâo 4 grông êlan êdeh, ênoh duh bi liê 43.734 êklai prăk, mbha jing 3 hdră kdrêč mâo Bruă sang čư̆ êa čar Gia Lai jing pô kiă kriê, mĭn tĭng bi leh, ba yua hlăm thŭn 2029. K’iăng Khua Knŭk kna Phạm Gia Túc klă anăp ksiêm dlăng kơ klei ngă bruă, bruă ruh mgaih anôk ala leh anăn mnơ̆ng yua rŭ mdơ̆ng ti dua kdrêč bruă XL01 leh anăn XL02 hlăm hdră kdrêč tal 1.

Hlăm hdră hdră bruă XL02 mâo ênoh 2000 êklai prăk, mâo êbeh 18% ênoh bruă, adôk êmưt mkă hŏng hdră kčah. Bi hŏng hdră kdrêč tal 2, jing anôk čư̆ čhiăng dleh, boh nik jing dua ƀăng mur găn čư̆ An Khê leh anăn Mang Yang, mâo boh taih jih jang hlăm brô 5,75km, mâo dŭm klei čuăn ktang phĭt kơ hdră mă bruă. K’iăng Khua Knŭk kna mñă kơ dŭm anôk bruă čŏng ruh mgaih klei dleh dlan hlăm bruă pŏk êlan nao jĕ ƀăng mur, dŭm mdiăng mnơ̆ng dhơ̆ng leh anăn tiŏ nao mnuih mă bruă, kdrăp yua.