Hlăm 8 mlan thŭn anei, Việt Nam drông giăm 16 êklăk gưl čô tuê ala tač êngao, 113 êklăk gưl čô tuê hlăm ala čar; ênoh hrui wĭt mơ̆ng tuê hiu čhưn ênguê mâo êbeh 780 êbâo êklai prăk. Kluôm ala ară anei mâo êbeh 4.600 anôk bruă dưi mkăp hră dưi ngă bruă hiu čhưn ênguê hŏng ala tač êngao, êbeh 44.000 anôk bruă hiu čhưn ênguê, 538 anôk hiu čhưn ênguê.

Ti anôk bi kƀĭn, phung bi ala lač anôk bruă hiu čhưn ênguê leh anăn mkŏ mkra adôk jing klei kpăk; mnơ̆ng dhơ̆ng hiu čhưn ênguê ti lu alŭ wăl ka mâo klei kdlưn hĭn, adôk jing yan, hnơ̆ng điêt; mnuih mă bruă hnơ̆ng tŭ jăk adôk kƀah. Klah čŭn ti anôk bi kƀĭn, K'iăng khua knŭk kna Phạm Thị Thanh Trà mtă brei bi leh Hdră mđĭ kyar hiu čhưn ênguê Việt Nam truh thŭn 2035, hnơ̆ng trah dlăng 2045 êlâo kơ hruê 15/12; mkŏ mjing hdră mjuăt bi hriăm mnuih mă bruă hnơ̆ng tŭ jăk, mtrŭt mđĭ bruă bi mlih mrô leh anăn ba yua APEC čiăng mtrŭt mđĭ bruă mtrŭt mđĭ, hưn mdah hiu čhưn ênguê Việt Nam.