Blŭ hrăm ti anôk bi kƀĭn, Khua bruă kƀĭn ala Trần Thanh Mẫn lač, klei bi êdah bruă čuăl mkă kluôm  ƀuôn prŏng Hà Nội tă hdră kơ 100 thŭn amâo mâo djŏ knŏng bi êdah sa hdră êlan kơ klei čuăl mkă, ƀiădah lŏ hưn mthâo kơ hdră êlan mă bruă, klei kut kat mơ̆ng bruă kđi čar hlăm ƀuôn prŏng mơ̆ng hdră mtrŭn klei bi kƀĭn prŏng 14 mơ̆ng Đảng, Hdră mtrŭn klei bi kƀĭn prŏng bruă Đảng ƀuôn prŏng gưl 18 nao hlăm klei hdĭp, djŏ hŏng klei gĭt gai mơ̆ng Khua gĭt gai Tô Lâm “Hà Nội đã blŭ nao mbĭt hŏng mă bruă, mă bruă pral, mă djŏ, mă bruă mâo klei tŭ dưn, mă bruă tơl leh”.

Khua bruă kƀĭn ala mtă, Knŭk kna lehanăn dŭm phŭn dhar bruă gưl dlông lehanăn dŭm anôk bruă djŏ tuôm bi hgŭm kjăp  hŏng Hà Nội kơ bruă hlue ngă klei bhiăn, hdră êlan, pral mâo klei ktrâo atăt, ruh mgaih jih jang klei dleh kpăk, hdră êlan mă bruă, rơ̆ng mâo klei bi sa hnơ̆ng, tŭ jing, nao hlăm klei hdĭp, jih jang klei mă bruă djŏ hŏng mta kñăm, djŏ hŏng klei bhiăn, kyua klei mđĭ kyar lăn čar, lehanăn klei jăk mơak mnuih ƀuôn sang./.