Klei čih mkra Hdră mtrŭn kčah mtrŭn djăp ênŭm dŭm klei čŏng ngă mơ̆ng anôk bruă mtô bi hriăm, amâo jưh kơ hnơ̆ng čŏng ngă ngăn prăk, mâo: čŏng ngă kơ klei hriăm, klei thâo; čŏng ngă hlăm bruă ksiêm duah klei kreh knhâo; čŏng ngă kơ klei mkŏ mjing, mnuih mă bruă; čŏng ngă bi hgŭm hŏng tač êngao; čŏng duah ngăn prăk, mnơ̆ng dhơ̆ng, klei duh bi liê.

Klah čŭn klei bi kƀĭn, K’iăng Khua knŭk kna Lê Tiến Châu mtă kơ Phŭn bruă sang hră mtô bi hriăm bi hgŭm hŏng dŭm phŭn bruă djŏ tuôm bi leh hră čih Hdră mtrŭn čiăng hmao akâo klei blŭ mguôp mơ̆ng Knŭk kna êlâo kơ hruê 20/7. Mbĭt anăn bi hgŭm hŏng Phŭn bruă kahan ksiêm, Phŭn bruă hŏng tač êngao ksiêm dlăng dŭm boh phŭn mơ̆ng hdră mtrŭn, boh nik jing dŭm bruă djŏ tuôm hŏng klei čŏng pô ksiêm duah hluê si hdră čŏng ngă jih hnơ̆ng kơ klei ksiêm hriăm kơ bruă kreh knhâo, kdrăp mrâo, mnơ̆ng dhơ̆ng čŏng mâo; bi mklă klei bhiăn čŏng ngă plah wah anôk bruă mtô bi hriăm sang hră gưl prŏng  knŭk kna leh anăn êngao knŭk kna.