Blŭ hrăm ti anôk bi kƀĭn, K'iăng khua phŭn bruă kreh knhâo leh anăn kdrăp mrâo Trần Trung Tính brei thâo, hluê si Klei bi mklă mrô 21/2026, Khua knŭk kna ba mdah leh Anăn dŭm kdrăp mrâo phŭn leh anăn mnơ̆ng dhơ̆ng kdrăp mrâo phŭn. Việt Nam bi mklă 10 kdrăp mrâo phŭn, hlăm anăn mâo kdrăp mrâo mrô, kdrăp mrâo lượng tử, kdrăp mrâo sinh học leh anăn mdrao mgŭn mrâo mrang, kñăm mđing duh bi liê, iêo jak klei duh bi liê, mtrŭt mđĭ hdră ksiêm hriăm, ba yua leh anăn păn kjăp dŭm kdrăp mrâo phŭn.

Hlăm boh klei hluê ngă Hdră mtrŭn 57 kơ klei mđĭ kyar bruă kreh knhâo, kdrăp mrâo, mlih mrâo mbruă leh anăn bi mlih mrô, klei bi kƀĭn mñă klă klei čiăng mlih mrâo klei mĭn, ba bruă kreh knhâo leh anăn kdrăp mrâo jing boh kdrŭt phŭn mkăp kơ klei đĭ kyar. Phung kreh knhâo mđing bi trông kơ klei thâo anak mnuih, kdrăp lượng tử, hóa học hơĭt kjăp, pui kmlă hạt nhân, bi mlih pui kmlă leh anăn dŭm bruă kreh knhâo, kdrăp mrâo dôk mâo.