Bi klă hlăm klei kƀĭn, Khua gĭt gai Đảng, Khua Lăn čar Tô Lâm mñă ktang, hlăm wưng klei bi ktưn kdrăp mrâo mrang tar rŏng lăn ƀrư̆ hruê ƀrư̆ ktang, bruă hluê ngă hdră mtrŭn mrô 57 amâo djŏ knŏng jing klei čiăng msir mtam ƀiădah lŏ jing klei yuôm bhăn hŏng klei čŏng pô hdră êlan leh anăn klei êđăp ênang ala čar. Bi kơ klei bi mlih mrô ala čar, Khua gĭt gai Đảng, Khua Lăn čar Tô Lâm mñă ktang hlăm wưng kơ anăp srăng mtrŭt mđĭ ktang klei mlih mrô hlăm knơ̆ng bruă leh anăn kluôm yang ƀuôn.

Mprăp ai dưi kơ êdei anăp, Khua gĭt gai Đảng, Khua Lăn čar Tô Lâm mñă mtam hlăm thŭn hriăm mrâo 2026 anei, bruă sang hră mơar čiăng mâo dŭm klei mlih ktang hlăm bruă tă hdră, mtô bi hriăm dŭm mta hriăm phŭn, kdrăp mrâo phŭn, rha mjeh kơ phung hriăm gưl prŏng thŭn anei mâo klei bi klă knuă druh kreh knhâo mrâo mrang phŭn mơ̆ng lăn čar hlăm 10 thŭn kơ anăp.