Hlăm knăm bi hdơr, Khua gĭt gai Đảng, Khua lăn čar Tô Lâm bi mklă, lač kơ Ƀuôn prŏng Hồ Chí Minh jing lač kơ sa krĭng lăn mâo knhuah gru khăp kơ ala čar, cánh mạng, klei khăp leh anăn mbruă; sa krĭng lăn thâo bi mguôp klei jăk siam djuê ana, mbĭt anăn amâo mdei pŏk êlan kơ dŭm klei čang hmăng mrâo. Ƀuôn prŏng bi mklă leh bruă klam ba anăp bruă duh mkra, anôk bruă phŭn kơ ngăn prăk, mnia blei leh anăn ñŭ kma lu ala čar.

Khua gĭt gai Đảng, Khua lăn čar Tô Lâm mtă, Ƀuôn prŏng čuăl mkă wăl đĭ kyar hlue si hdră wăl krah, mrâo mrang, mtah, thâo mĭn, mkŏ kjăp hŏng krĭng Ngŏ kwar Dhŭng, dap mnai krông Cửu Long, lăn Dap Kngư, kluôm ala leh anăn lu ala čar. Êngao anăn, anôk bruă nah gŭ brei nao êlâo sa knhuang, ƀiădah brei mâo boh phŭn, rơ̆ng tŭ dưn bi liê; mđing êlan klông êpul êya, êlan êdeh treng ƀuôn prŏng, êlan dar, êlan êran pral, kdrŭn ksĭ, logistics, anôk bruă duh mkra mrô, êa pui êwa čuh, mdrao mgŭn, mtô bi hriăm, dhar kreh, sang dôk, gang mkhư̆ êngăp êa leh anăn wăl hdĭp mda mtah.