Bi ala phung khua kiă kriê Đảng, Knŭk kna jao leh Medai răng mgang Ala čar mrô sa kơ Êpul kahan mnah knông - Ƀrăm pui, Khua gĭt gai Đảng, Khua lăn čar Tô Lâm hơêč hmưi kơ dŭm boh tŭ mơ̆ng Êpul kahan mnah knông - Ƀrăm pui.

Khua gĭt gai Đảng, Khua lăn čar Tô Lâm mtă hlăm wưng ti anăp, kluôm Êpul kahan mnah knông - Ƀrăm pui mđing hluê ngă kjăp 5 bruă klam phŭn, hlăm anăn mđing mkŏ mjing êpul kjăp kơ klei mĭn bruă kđi čar, sĭt suôr hŏng Đảng, Ala čar lehanăn mnuih ƀuôn sang, hluê ngă jăk bruă “2 kjăp, 2 mtrŭt mđĭ, 2 gang mkhư̆” lehanăn hdră êlan “5 hơĭt kjăp”, mkŏ mjing kjăp bruă kđi čar, kjăp kơ klei bhiăn, kjăp kơ kdrăp mrâo, kjăp hdră bruă lĭng kahan, mkŏ mkra klei hdĭp lĭng kahan hơĭt kjăp. Mkŏ mkra bruă Đảng Knơ̆ng gĭt gai Êpul kahan mnah knông - Ƀrăm pui kjăp ktang, doh mngač, êdah êdi; anôk bruă kjăp kluôm dhuôm, hgŭm mguôp sa ai, bi leh jih bruă klam mâo kčah jao./.