Blŭ hrăm ti knăm, Khua Knŭk kna Lê Minh Hưng mñă klă Đảng, Knŭk kna dlăng yuôm bruă tui duah, bi kƀĭn leh anăn bi klă hlei pô klang lĭng kahan êngiă asei jing bruă klam kđĭ čar phŭn, jing hdră bhiăn mnăm êa hdơr kơ hnoh, hdơr knga tla ai leh anăn asăp mtrŭn mơ̆ng ai tiê hŏng phung jhŏng ktang djiê êngiă.

Mơ̆ng boh sĭt klei bi klă, suang dlăng leh anăn ngă bruă tui duah, bi kƀĭn klang lĭng kahan êngiă asei ti war mnga Lê Thị Riềng, Khua Knŭk kna mñă kơ ƀuôn prŏng Hồ Chí Minh mbĭt hŏng Phŭn bruă lĭng kahan, knơ̆ng gĭt gai kahan alŭ wăl 5 mjêč bi kƀĭn, hlăk mblang, bi klă kjăp, kreh knhâo, dŭm hră mơar, klei čih pioh djŏ tuôm hŏng dŭm gưl bi blah, dŭm hdră mbah prŏng ti alŭ wăl, boh nik hlăm dŭm thŭn 1968, 1972. Mbĭt anăn, mđĭ hĭn klei bi klă hră mơar, klei hưn mơ̆ng phung tuôm ƀuh hƀuê ênuk leh anăn ba yua kdrăp mrâo mrang čiăng mtrŭt bi pral bruă bi klă klei hưn.