Knơ̆ng bruă sang čư̆ êa ƀuôn prŏng Hồ Chí Minh mkŏ mjing mphŭn rŭ mdơ̆ng 8 hdră bruă phŭn
Thứ năm, 08:30, 02/07/2026
VOV Tây Nguyên
VOV Tây Nguyên
VOV.Êđê- Ƀri gưl bi hdơr 50 thŭn hruê ƀuôn prŏng Hồ Chí Minh ktưn hưn mă anăn Khua gĭt gai Hồ Chí Minh, aguah 1/7, Knơ̆ng bruă sang čư̆ êa ƀuôn prŏng Hồ Chí Minh mkŏ mjing klei mphŭn rŭ mdơ̆ng 8 hdră bruă phŭn hŏng ênoh bi liê êbeh 253 êbâo êklai prăk.
Êdah kdlưn jing hdră bruă đang mnga Bến Nhà Rồng - Khánh Hội leh anăn kyâo đang mnga Bến Bạch Đằng, hnơ̆ng prŏng êbeh 73 ha, ênoh bi liê êbeh 29,3 êbâo êklai prăk. Hdră bruă srăng mđĭ êlan Nguyễn Tất Thành truh 10 grông êlan, mkŏ mjing êlan mur Hoàng Diệu, mkra mrâo leh anăn pŏk mlar kban Tân Thuận, bi liê anôk mjưh êdeh, kban, anôk bruă kdrăp mnơ̆ng hrăm mbĭt.
Klei mñă jing kban êbat jơ̆ng găn êa krông Sài Gòn mkŏ Bến Nhà Rồng hŏng Bến Bạch Đằng, hŏng wăl dhar kreh – hƀuê ênuk prŏng hlăm brô 11 ha ti Bến Nhà Rồng, đru mjing ƀô̆ mta mrâo kơ krĭng wăl krah.
Viết bình luận