Anei jing klei dưi ba mdah ti Klei bi kƀĭn tal 5 Anôk gĭt gai bruă Đảng knơ̆ng bruă sang čư̆ êa čar Lâm Đồng wưng thŭn 2025 – 2030 mrâo mkŏ mjing. Hlăm 6 mlan akŏ thŭn 2026, khădah tlă anăp hŏng klei dleh dlan, lông dlăng ƀiădah Lâm Đồng ăt mâo lu boh tŭ hlăm djăp mta bruă. Ênoh hrui wĭt ngăn prăk knŭk kna mâo hlăm brô 18.600 êklai prăk, bi knar 54% klei đăo tĭng alŭ wăl. Kluôm čar mâo êbeh 2.600 anôk bruă duh mkra mrâo mkŏ mjing hŏng ênoh prăk êbeh 12.000 êklai prăk.

Hnơ̆ng tuê truh ti Lâm Đồng tĭng mâo giăm 12 êklăk čô, đĭ 18% mkă hŏng thŭn êlâo. Hồ Văn Mười, Khua knơ̆ng bruă sang čư̆ êa čar Lâm Đồng mtă kơ dŭm êpul bruă đảng, knuă druh, đảng viên mđĭ lar ai tiê đua klam, mđĭ klei bi hgŭm, pral hluê ngă bruă klam, mđing hluê ngă mđrăm mbĭt dŭm hdră msir ciăng bi leh mta kñăm đĭ kyar bruă duh mkra dua mrô hlăm thŭn 2026./.